пушти (гл.) - и (чест.)

После ги пуштија затворениците, го пуштија и татка.
„Небеска Тимјановна“ од Петре М. Андреевски (1988)
Змејко му ја отвори колку за една рака онаа другата врата, што водеше во работилницата, и го пушти и таму да открива.
„Белата долина“ од Симон Дракул (1962)
Потоа ги пушти и говедата. Додека тие пиеја вода и се бавеа, изненадени од снегот, преку кој и тие не се решаваа да загазат, Бојан им фрли малку сено во предниот дел од тремот, оставајќи ја вратата отворена, сами да се вратат и да влезат.
„Бојан“ од Глигор Поповски (1973)
- Тие Христоса го поделија, вели Григор, а не Македонија, Пушти и вино, Левтеријо, оти рибите поарно пливаат во вино, вели и се засмејува.
„Пиреј“ од Петре М. Андреевски (1983)
Бојан ги пушти прво нив и почека малку додека тие се спуштија до потокот, па ги пушти и овците од втората преграда.
„Бојан“ од Глигор Поповски (1973)