ДИГИТАЛЕН РЕЧНИК НА МАКЕДОНСКИОТ ЈАЗИК

Но од сите гласови за Јована Акиноски, најмногу се задржа, и сè уште е жив, оној дека куферот, при бегањето, покрај со тевтерите му бил наполнет и со златото Акиноско, а тогаш, во тие опачни и скудни времиња, властите беа во постојана и силна потера по злато.

Дури и такви дека Јован не бил чист Акиноски, туку копиле некое нивно, од Јанкула, кој по убиството на Тројкршките бегови заедно со Дамчкеските, со Божина Дамчески Штркот и Костадина Капиданот, избега некаде во Европа и уште еднаш жив не се врати во Потковицата.