да (сврз.) - брза (гл.)

Ама пусти зет е, срамота е да брза тој. Ќе речат: не му се чека.
„Крпен живот“ од Стале Попов (1953)
А „мерцедесот“ како да ја почувствува убавата асфалтна лента, почна улаво да брза.
„Патувања“ од Никола Кирков (1982)
Студот сечеше и затоа морав да брзам и, во една ваква брзаница, застанав пред една кафеана, која по името „Балкангрил“ ми откриваше дека ја држи некој мој сонародник.
„Патувања“ од Никола Кирков (1982)
Врвот и не е така далеку, зошто да брзаме да ја достигнеме целта, кога сѐ уште растеме заедно со животот, се менуваме, го надминуваме секој предизвик, потешко или полесно повеќе и не е важно.
„Жонглирање со животот во слободен пад“ од Сара Трајковска (2012)
Има среќни денови, има тажни денови, има несреќни луѓе, а постојат и такви кои можат да ни го сменат животот засекогаш, без да се покаат за последиците, без да ја платат цената, без да се соочат со резултатите, зошто полесно им е да заминат.
„Жонглирање со животот во слободен пад“ од Сара Трајковска (2012)
Одеднаш здогледа голема група турци, фесовите им се вееја лудо, јаваа како избезумени, како некаде да брзаа.
„Ветришта“ од Радојка Трајанова (2008)
Погледнувам во часовникот и почнувам како да ќе ме обземе паника. Треба да брзам.
„Балканска книга на умрените“ од Мето Јовановски (1992)
Тавчето некако брзо се празни и ме тера уште понестрпливо да брзам.
„Балканска книга на умрените“ од Мето Јовановски (1992)
Центрифугирање Кога ќе те стигне зимата на крајот од уличката, немој да брзаш со изненадувањето.
„Зборот во тесен чевел“ од Вероника Костадинова (2012)
Ти знаеш дека татко ти е сталожен, сериозен човек и нема да брза со која било да се ожени.
„Друга мајка“ од Драгица Најческа (1979)
Не брзаа, навистина немаше каде да брзаат.
„Бунар“ од Димитар Башевски (2001)
Ајде, морам да брзам. Имав само уште нешто да ти кажам.
„Човекот со четири часовници“ од Александар Прокопиев (2003)
„Како се викаше?“ заинтересирано праша Кау не чувствувајќи потреба да брза. „Не е важно“, рече Су.
„Продавница за љубопитните“ од Мето Јовановски (2003)
Како да брзаше некаде, како да немаше време.
„Вежби за Ибн Пајко“ од Оливера Николова (2007)
Не треба тој да брза, вели едно време, треба добро да ја сработи работата, а не да брза.
„Братот“ од Димитар Башевски (2007)
Излегуваше дека нејзината одлука да остане подолго во Долнец, го засилува фактот што нема некој силен мотив да брза со враќање дома, во градот.
„Братот“ од Димитар Башевски (2007)
- Работам како дактилографка, во една фирма - одговори Лиле без да брза.
„Омраза - длабоко“ од Драгица Најческа (1998)
Простете, јас морам да брзам. Ме чекаат некои луѓе на ручек.
„Одбрани драми“ од Горан Стефановски (2008)
ЛЕНА: Мишко, Мишко, само без додатоци, не ги накрнувај твоите цитати; а со нафтата не мора да брзаш, ти секогаш оставаш по цел вир во визбата. Мишко излегува.
„Го сакате ли Дебиси“ од Лазо Наумовски (1973)
Чанга, мудро, не се определуваше, оставаше да се искаже на крајот, не сакаше да брза.
„Времето на козите“ од Луан Старова (1993)
- Готово! Да брзаме! - рече Горјан и го свитка писмото.
„Волшебното самарче“ од Ванчо Николески (1967)
Нешто го тераше да брза и тој тргна да си оди дома...
„Волшебното самарче“ од Ванчо Николески (1967)