а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

внесе

внесат; внеси, внесете; внесов, внесоа; внел, внесол, внесле; (ќе) внесев, (ќе) внесеа; (ќе) внесел; внесен
Вид збор: Глагол, свршен
Ранг: 1297
1. Носејќи смести, донесе нешто некаде, во внатрешноста на нешто.
Англиски: bring in Албански: sjell, fus
Примери:
Работниците го внесоа алатот во магацинот.
Двајца војници го внесоа тешко ранетиот во полската болница.
Спротивно од: изнесе (св.)
2. Донесе отстрана, од друга земја, од надворешна средина и сл.
Англиски: import Албански: fus, importoj
Употреба: Економија
Примери:
Внесе пари.
Внесе капитал.
Внесе болест.
3. Увезе, по трговски пат, внесе стока.
Англиски: import Албански: importoj
Употреба: Економија , Преносно значење
Примери:
Претпријатијата внесуваат кај нас разни непотребни стоки.
Слично со: увезе (св.)
4. Предизвика некаква состојба кај некого.
Англиски: cause Албански: sjell
Примери:
Вестите внесоа раздвиженост во духовите и живост во разговорите.
Тој внесе немир во мојата душа.
5. Воведе некого, со придружување.
Англиски: bring in Албански: fus, sjell
Употреба: Преносно значење
Примери:
Невестата ја внесоа во одајата.
Слично со: воведе (св.)
6. Воведе нови содржини, нови елементи, нова карактеристика.
Англиски: introduce Албански: sjell, fus
Примери:
Новата мода ја внесуваат кај нас прво жените.
7. Вложи пари, драгоцености (во банка).
Англиски: deposit Албански: fus, depozitoj
Употреба: Економија
Примери:
Целата плата од овој месец ја внесов во штедната книшка.
Слично со: вложи (св.)
8. Запише, вметне текст, ознака и сл.
Англиски: enter Албански: fus
Примери:
Тој внесе неколку исправки во својот напис.
Слично со: вметне (св.)
9. (се внесе) Се вдлабочи, вникне во нешто, се занесе.
Англиски: become absorbed Албански: thelloj
Примери:
Тој се внесе во приказната.
Се внесе во работата.
Слично со: вдлабочи (св.)
10. (се внесе) Се приближи премногу до некого.
Англиски: draw near Албански: futet
Примери:
Тој му се внесе в лице на директорот викајќи.
Изведенки
1. внесува несв.
внесуваат
2. внесување ср.
глаг. им.