дојде
Види и:
иде (несв.)
дојдат, дојдам; дојди, дојдете; дојдов, дојдовте, дојдоа; дошол, дошло, дошле; дојдев, дојдеа; дојдел; дојден
Вид збор: Глагол, свршен
Ранг: 65
1.
Одејќи или движејќи се со превозно средство пристигне на местото до оној што зборува, пристигне.
Примери:
Дојди да ти кажам нешто.
Војниците дојдоа во селото.
Слично со:
стигне (св.)
2.
(Си) се врати дома, во своето место (град, село).
Примери:
Синот (си) дојде од војска.
Денес си дојдоа порано.
Спротивно од:
отиде (св.)
3.
Пристигне нешто.
Примери:
Дојде писмото од татко ти.
Дојдоа книгите.
4.
За нешта што се примаат со сетилата, се почувствува.
Примери:
Дојде звук на камбана.
Одеднаш дојде силна топлина.
Дојде силна миризба на чад.
Слично со:
осети (св.)
5.
За вода – надојде.
Албански:
rrjedh
Реката дојде до првите куќи.
Слично со:
надојде (св.)
6.
За време, сезона, празник и сл.
Примери:
Дојде пролетта.
Дојде осум часот.
Дојде Велигден.
7.
Припадне, добие (дел при поделба).
Примери:
На секого му дојдоа по две круши.
Слично со:
добие (св.)
8.
Се покаже, испадне некаков.
Албански:
doli
Фустанот дојде малку тесен.
Ѕидот дошол накриво.
9.
Ми (ти, му ...) Добие некакво расположение.
Примери:
Му дојде жал.
Ми дојде да се расплачам, да викам.
И војната ни дојде на глава.
10.
Во состави со предлог и некои именки.
Англиски:
come
Дојде на власт (на положба).
Дојде до израз.
Дојде на ред (му дојде редот).
Дојде до збор.
Дојде до заклучок.
Изрази
(книж.) Дојде на свет - се роди.
Дојде на себе - се поврати во нормална состојба, од претрпен шок.
Дојде на глава - погоди (вообичаена) грижа некого.
Дојде на памет (на ум) - се сети за нешто, му текне нешто.
(Му) дојде паметот (умот) - се опамети.
Дојде до него /до уши - разбере нешто.
Дојде до рака/на рака - е во контакт со нешто.
(разг., арх.) Дојде до акал - надмудри, совлада некого.
(Му) дојде зорт - е во неволја.
Му дојде душата во носот - се преплаши.
Ќе дојде колце на тркалце - ќе се промени ситуацијата.
