а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

дупка

мн. дупки
Вид збор: Именка, женски род
Ранг: 1248
1. Отвор во нешто или низ нешто.
Англиски: hole Албански: birë, vrim
Примери:
дупка во ѕидот
дупка на ракавот
Слично со: отвор (м.)
2. Длабнатина, јама во земјата или на тврда почва (на пат).
Англиски: hole Албански: vrimë, zgavër
Примери:
Ископал неколку дупки за дрвца.
мечкина дупка
Патот е сиот дупки.
Слично со: јама (ж.)
3. Тесно, бедно живеалиште.
Англиски: den Албански: birëuc
Употреба: Преносно значење
Примери:
Тие живеат во дупка, благо речено.
4. Неудобно, неугледно место за забава, за одмор и сл.
Англиски: den Албански: strofkë
Употреба: Преносно значење
Примери:
Од каде тој да пее во оваа дупка.
Слично со: дувло (ср.)
5. Празнина кон или во внатрешноста на организмот.
Англиски: socket Албански: zgavër
Употреба: Медицина , Разговорно
Примери:
Очни дупки.
Носни дупки.
Слично со: празнина (ж.)
6. Празнина, недостиг во некоја целина, во некој распоред, систем.
Англиски: hole Албански: zbrastirë
Примери:
Имаме дупка во распоредот на часовите.
Не можеме сите дупки да ги затнеме со вакви плати.
7. гроб
Англиски: grave Албански: gropë, varr
Употреба: Преносно значење , Разговорно
Примери:
Попот треба да го испрати до дупка.
Ги погребавме сите во една дупка.
Слично со: гроб (м.)
Изрази
Од лулка до дупка - од раѓање до смртта.
И на ѓаволот дупката ја знае - знае сѐ и сешто.
(посл.) Кој копа дупка на друг, сам ќе падне во неа.
Изведенки
1. дупкиште ср.
мн. дупкишта
аугм.
2. дупче ср.
мн. дупчиња
дем.
3. дупченце ср.
мн. дупченца
дем.
4. дупчуле ср.
мн. дупчулиња
дем.