а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

одврзе

одврзат; одврзи, одврзете; одврзав, одврзаа; одврзал; одврзан; одврзев, одврзеа; одврзел
Вид збор: Глагол, свршен
Ранг: 3731
1. Оддели, одвои нешто што било претходно врзано.
Англиски: untie Албански: zgjidh
Примери:
Тој ги одврза вреќите полни со жито.
Детето ги одврза чевлите.
Спротивно од: заврзе (св.)
2. Ослободи тоа што било врзано за нешто.
Англиски: untie Албански: liroj
Примери:
Тој го одврза магарето од дрвото.
Го одврза чунот и го турна во водата.
Слично со: ослободи (св.)
3. Одмота, одвитка од нешто.
Англиски: untie Албански: liroj
Примери:
Тој ѝ ги одврза рацете на девојката.
Таа си го одврза шалот од вратот.
Тој ја одврза преврската од раната.
Слично со: одвитка (св.)
4. Извади нешто што било врзано, заврзано во нешто.
Англиски: untie Албански: nxjerr
Примери:
Тој одврза сол од една крпа и ја тури во зовриената вода.
Децата ја одврзаа мачката од вреќата и ја пуштија.
5. Отплетка, размрси нешто заплеткано, замрсено.
Англиски: disentangle Албански: veçoj
Употреба: Преносно значење
Примери:
Таа го одврза јазолот од конецот.
Старицата ги одврза заврзаните нишки.
Слично со: отплетка (св.) , размрси (св.)
6. За јазик - ослободи, отпушти, почне да зборува.
Англиски: untie Албански: liroj
Примери:
Ако го одврзе јазикот, нема сопирање.
7. (се одврзе) оддели, разврзе
Англиски: untie Албански: veçoj
Примери:
Чевелот ми се одврза.
Кучето се одврза и се пушти по нас.
8. (се одврзе, само во 3 л. едн.) се ослободи
Англиски: untie Албански: liroj
Употреба: Преносно значење
Примери:
Ми (ти, му...) се одврзе јазикот - се ослободи, се отпушти, се разборува.
Од пијалакот му се одврза јазикот.
Изведенки
1. одврзува несв.
(се) одврзуваат
2. одврзување ср.
глаг. им.