а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

оди

одат; одиш; одиме; одев, одевме; одело; одејќи
Вид збор: Глагол, несвршен
Ранг: 98
1. За човек и за животни - се преместува движејќи се со нозете, чекорејќи.
Англиски: go, walk Српски: ходати Албански: ecë Бугарски: ходя
Примери:
Одевме по вистинскиот пат.
Не трчај, оди полека.
Кучето одеше пред сите.
Тој секаде одеше пеш.
Слично со: чекори (несв.)
Спротивно од: стои (несв.)
2. Се упатува кон определено место со определена цел.
Англиски: go Албански: ecë
Примери:
Оди на работа.
Оди на дуќан.
Оди на факултет.
Оди на училиште.
Оди на курс.
Оди на кино.
Оди на состанок.
Оди на лекар.
Оди в црква.
Оди во посета.
Оди на пазар.
Слично со: упатува (несв.)
3. Се пренесува од едно место на друго со превозно средство (за луѓе - патува, се вози).
Англиски: travel Албански: udhëtoj
Примери:
На работа оди со велосипед.
На долги релации одиме со авион, а не со брод.
Ќе одиме со воз.
Слично со: патува (несв.)
4. Се пренесува од едно место на друго со превозно средство (за стоки - превезува, испраќа).
Англиски: send Албански: dërgon
Примери:
Сето наше производство оди за извоз.
Овие пратки ќе одат за Битола.
Писмото одело цел месец.
Слично со: испраќа (несв.)
5. Има (нема) нешто на себе, некако е облечен, обуен.
Англиски: wear Албански: mbath
Примери:
Оди по кошула.
Оди по чорапи.
Оди гологлав.
Оди бос.
Слично со: облекува (несв.) , носи (несв.)
6. Е во некаква состојба.
Англиски: go Албански: kalon
Примери:
Уште оди ерген.
Оделе свршени една година.
7. Се дружи, другарува.
Англиски: join Албански: shoqërohet
Примери:
Оди со двајца расипници, па и тој стана како нив.
Слично со: дружи (несв.)
8. Има љубовна врска.
Албански: lidhje
Примери:
Тој оди две години со девојката.
9. Следи некого во нешто, работи, постапува како некој.
Англиски: follow Албански: ndjek
Примери:
Оди по примерот на својот учител.
Одат по умот негов.
Слично со: следи (несв.)
10. Настојува, се стреми кон нешто, постапува некако со цел да постигне нешто.
Англиски: use Албански: përdor
Примери:
Од идната година ќе одиме со новите наставни планови.
Слично со: користи (несв.)
11. За превозни средства - се движи.
Англиски: move Албански: shkon
Примери:
Автобусот одеше полека поради мразот.
Возот оди најредовно.
Авионот не одел директно.
Кога оди бротчето за Струга?
Слично со: движи (несв.)
12. За механизам - работи, се движи вршејќи ја специфичната функција.
Англиски: run Албански: shkon, ecë
Примери:
Ѕидниот часовник оди малку напред.
Слично со: функционира (св. и несв.)
13. се протега, се простира
Англиски: run Албански: shtrihet
Примери:
Патот оди покрај реката.
Оваа улица не оди кон театарот.
Нашава нива оди од патот, па сè до реката.
Слично со: простира (несв.)
14. За работа, за нешто што се прави, што се случува.
Англиски: run Албански: shkon
Примери:
Нему добро му оди трговијата.
Сеидбата оди според планот.
Денеска ништо не ми оди.
Се надеваме дека ќе оди кон подобро.
15. Чини, вреди, има цена; добро се продава, се бара на пазарот.
Англиски: sell Албански: shkon
Примери:
Колку одат доматите денес?
Овошјето тешко оди.
Не оди тутунот како што одеше некогаш.
Слично со: вреди (несв.)
16. За средства, пари - се употребува, се троши.
Англиски: spend Албански: harxhohet, shkon
Примери:
Половина плата му оди за лекови.
Поголемиот дел од парите одат за купување нови машини.
Слично со: троши (несв.)
17. Се сложува, е соодветно, одговара (за делови од облека, за боја, храна, пијалак).
Англиски: fit Албански: përshtatet, shkon njëra me tjetrën
Примери:
Кошулата не ти оди на костумот.
Со ваква облека не оди шарена шапка.
Со ова јадење оди црвено вино.
Слично со: одговара (несв.)
18. За постапка, намера, намисла - не е така, спротивно е, не може да успее.
Англиски: work Албански: shkon, kalon
Примери:
Тоа што го кажуваш не оди.
Не оди тоа така.
Што не оди, не оди.
Слично со: функционира (св. и несв.)
19. Спаѓа, влегува, се распределува во некој состав.
Англиски: belong Албански: kalon
Примери:
Тие ќе одат во втората група.
Само квалитетните производи одат за продажба.
Ова ќе оди во отпад.
Овој тутун не оди во прва класа.
Слично со: спаѓа (несв.)
20. За боја, нијанса - преминува, се прелева.
Англиски: change Албански: kalon, shëndrohet
Примери:
Имаше нова блуза, розева што оди кон виолетово.
Слично со: менува (несв.)
21. Во некои игри (шах, карти) - е според правилата; на потег.
Англиски: move Албански: lëviz
Примери:
Топот оди неограничено вертикално и хоризонтално.
Сега ти одиш.
Слично со: движи (несв.)
22. Во математика - се содржи во некој број.
Англиски: contain Албански: shkon, përmban
Употреба: Математика
Примери:
Во девет три оди трипати.
Слично со: содржи (несв.)
23. Со начинско значење, се движи некако.
Англиски: move Албански: ecë, lëviz
Примери:
Оди брзо.
Оди на прсти.
Оди на раце.
Слично со: движи (несв.)
24. За време, обично со заменката си.
Англиски: pass Албански: kalon, shkon
Примери:
Треба да побрзаме, си оди времето.
25. Се грижи за некого или за нешто.
Англиски: care Албански: kujdeset
Примери:
По болниот некој треба да оди.
Цвеќињата се убави, ама треба да одиш по нив.
Слично со: грижи (несв.)
26. (во 1 л. мн.) Како најава, воведување на дејство.
Англиски: go Албански: shkojmë
Примери:
Одиме понатаму.
Одиме на следното прашање.
Изрази
Не ми оди в глава - не можам да сфатам, да замислам.
Оди по линија на помал отпор - не сака судири, избегнува тешкотии.
Оди понадвор - излегува по нужда.
Оди од рака, на рака - се предава, се пренесува од еден на друг.
Оди во чекор со времето / со модата - ги следи современите текови, современ е; се носи според модата, модерно се облекува.
Ни оди ни седи - не прави ништо за да ја промени состојбата.
Ми (ти, му...) оди на нерви - ме (те, го ...) нервира.
Оди по ќефот (некому) - угодува некому.
Оди по тенок мраз - игра опасно.