а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

однесе

однесат; однеси, однесете; однесов, однесоа; оцнесол, однесле, однел; (ќе) однесев, (ќе) однесеа; (ќе) однесел; однесен
Вид збор: Глагол, свршен
Ранг: 621
1. Со носење пренесе, премести некого или нешто од едно на друго место.
Англиски: carry Албански: shpie, bartë
Примери:
Однеси ги торбите во кујната.
Ги однесе чевлите на поправка.
2. Одведе или превезе некого со превозно средство.
Англиски: transport Албански: çon, transporton
Примери:
Службеникот ја однесе странката до шалтерот.
Итно го однесоа во болница.
3. Превезе нешто.
Англиски: transport Албански: transporton
Примери:
Однесете го мебелот од магацинот во продавницата.
4. За вода, ветар - со своето движење пренесе нешто од едно место на друго; одвлече, разурне, уништи.
Англиски: carry Албански: e barti
Употреба: Преносно значење
Примери:
Надојдената река го однесе дрвеното мовче.
Се разведри, ветрот ги однесе облаците.
Слично со: одвлече (св.)
5. За мисла, ум - пренесе на некое место, настан итн.
Англиски: carry Албански: shpie, çoj
Примери:
Сеќавањето го однесе во младоста.
Мислата го однесе крај пенливи морски бранови.
6. (се однесе) Заземе став, реагира во определен момент или на дадена ситуација.
Англиски: behave Албански: sillem
Примери:
Старецот се однесе студено кон неочекуваниот гостин.
Тој се однесе пријателски.
Изрази
Си го однесе - настрада.
Го однесе матната - пропадна, се уништи.
Однесе в гроб - не открие тајна.