а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

освои

освојат; освој, освојте; освоив, освоија; освоил; освоен; (ќе) освоев, (ќе) освоеја; (ќе) освоел
Вид збор: Глагол, свршен
Ранг: 3310
1. Заземе, завојува, завладее територија, населено место и сл.
Англиски: conquer Албански: pushtoj
Примери:
Непријателската војска го освои градот.
Слично со: заземе (св.) , завладее (св.)
2. Прошири пазар.
Англиски: conquer Албански: zgjëroj
Примери:
Во овој век кафето го освои светот.
Со нашиот квалитет и дизајн на сервисите за јадење го освоивме надворешниот пазар.
3. Усвои, совлада процес на работа, на производство.
Албански: miratoj
Слично со: совлада (св.)
4. Постигне висок резултат во спортот, во натпревар и сл.
Англиски: reach Албански: arrij
Примери:
Планинарите го освоиле овој врв пред една деценија.
Тој ја освои велемајсторската титула во шах.
Освои еден бод.
5. Придобие некого (публика, друштво).
Англиски: win Албански: fitoj
Употреба: Преносно значење
Примери:
Тој ги освои и моите другари со својата контактибилност.
Оперската пејачка со својот глас ја освои охридската публика.
Поезијата на младата поетеса ги освои читателите.
Слично со: придобие (св.)
Изведенки
1. освојува несв.
освојуваат
2. освојување ср.
мн. освојувања
глаг. им.