а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

тврд

тврди
Вид збор: Придавка
Ранг: 1858
1. За материјален предмет - кој тешко се поддава на определени физички дејства, како кршење, виткање, сплескување итн.
Англиски: hard Албански: e fortë
Примери:
тврда корка леб
тврда земја
тврдо легло
многу тврд камен
(мед.) Има тврда столица.
Слично со: јак (прид.)
Спротивно од: мек (прид.)
2. За состојбата на телата во физичка смисла - кој има постојана форма и размер.
Англиски: solid Албански: të ngurta
Употреба: Физика
Примери:
Телата можат да бидат во тврда, течна или гасовита состојба.
Слично со: цврст (прид.)
3. За човек - што не се поддава на чувства; неосетлив.
Англиски: unyielding Албански: i palëkundur
Употреба: Преносно значење
Примери:
Мајката беше тврда, ни солза не пушти пред трупот на сина си.
Тој е толку тврд што, колку и да го молиш, нема да ти попушти.
Слично со: непопустлив (прид.)
4. непоколеблив, решителен
Англиски: decisive Албански: vendmitar
Примери:
Тврда вера, тврдо убедување, уверение и сл.
Тврд карактер.
Одеше со тврд чекор напред.
Одговори со тврд глас: не!
Слично со: непоколеблив (прид.) , решителен (прид.)
5. За сон, спиење - длабок.
Англиски: deep Албански: thellë
Употреба: Преносно значење
Примери:
Тврд сон, тврдо спиење.
Слично со: длабок (прид.)
6. За валута - стабилен, здрав.
Англиски: hard Албански: rëndë
Употреба: Економија , Преносно значење
Примери:
Тврда валута.
Слично со: здрав (прид.) , стабилен (прид.)
7. За вода која содржи варовник.
Англиски: calcareous
Примери:
Тврда вода (вода со варовни состојки).
8. За изговор на гласови.
Англиски: hard
Употреба: Граматика
Примери:
тврди согласки
Изрази
(разг.) Тврд орев (тешка работа).
Тврдо срце - без чувства.
Тврда глава има (тврдоглав е).
Тврда рака е (стегнат, скржав е).