бидува
бидуваат
Вид збор: Глагол, несвршен
Ранг: 3312
1.
Во функција на спојка во именскиот прирок.
Примери:
Димитар бидува затворен и спроведен прво во Битола, а потоа во цариградската зандана.
Тој бидува натоварен со таа задача.
2.
(обично во 3. л.) се случува, станува
Примери:
Со плачење не бидува ништо.
Тоа така бидувало секогаш.
Радиото кажа дека вечерва ништо не бидува.
Така бидува само во соништата.
А поарно ли му бидува на човека од тоа?
Се бидува на овој век.
3.
може, можно е
Примери:
Hикако не бидува да заборавиме дека литературниот јазик развива ред свои специфики.
Не, така не бидува!
Што не бидува, не бидува.
Ќе биде - не бидува.
Кој знае што бидува?
4.
станува
Примери:
Кум бидувам, друго не.
Шпион не бидувам.
Полека внучко, тие работи не бидуваат така, веднаш.
5.
Има способност, способен е.
Примери:
За ништо не го бидува ни за в село, ни за в град.
Повеќе го бидува да дрдори.
За сѐ те бидува.
Ве бидува за пеење.
Изведенки
бидување ср.
